காசல்ரீ நீர்த்தேக்கத்தின் நீர்மட்டம் படிப்படியாக அதிகரிப்பு

காசல்ரீ நீர்த்தேக்கத்தின் நீர்மட்டம் படிப்படியாக அதிகரிப்பு : மத்திய மலைநாட்டின் மேற்கு சரிவுகளில் பெய்து வரும் அடை மழை காரணமாக காசல்ரீ நீர்த்தேக்கத்தின் நீர்மட்டம் படிப்படியாக அதிகரித்து வருவதாக நீர்த்தேக்கத்திற்குப் பொறுப்பான அதிகாரி ஒருவர் தெரிவித்தார்.

மத்திய மலைநாட்டில் உள்ள பல நீர்மின் நிலையங்களுக்கு நீர் வழங்கும் காசல்ரீ நீர்த்தேக்கத்தை சுற்றியுள்ள பகுதிகளில் மாலை வேளையில் கடும் மழை பெய்து வருவதாகவும், இந்த நிலைமைகள் காரணமாக நீர்த்தேக்கத்தின் நீர் மட்டம் 3 அடி உயர்ந்துள்ளதாகவும் அந்த அதிகாரி தெரிவித்தார்.

இந்த நீர்த்தேக்கத்தில் தடைப்பட்ட நீரை மின்சாரம் உற்பத்தி செய்யும் நீர்மின் நிலையங்களுக்கு திருப்பிவிட நடவடிக்கை எடுக்கப்பட்டுள்ளதாக அந்த அதிகாரி மேலும் தெரிவித்தார்.