இன்று இந்திய முட்டை விநியோகம்

இந்தியாவில் இருந்து இலங்கைக்கு இறக்குமதி செய்யப்படும் இந்திய முட்டைகள் விநியோகம் இன்று (29) ஆரம்பமாகவுள்ளது.

விநியோக நடவடிக்கைகள் இன்று மாலை ஆரம்பிக்கப்படும் என இலங்கை அரச வர்த்தக பல்வேறு சட்டரீதியான கூட்டுத்தாபனம் தெரிவித்துள்ளது.

முன்னதாக, இறக்குமதி செய்யப்பட்ட முட்டைகளை பேக்கரி உற்பத்தியாளர்களுக்கு மட்டுமே விநியோகிக்க முடிவு செய்யப்பட்டது.

அதன்படி, பேக்கரி உற்பத்தியாளர்களுக்கு முட்டை ரூ.35க்கு விற்கப்படும்.

மேலும் இறக்குமதி செய்யப்படும் முட்டையை 90 நாட்களுக்கு குளிர்சாதன பெட்டியில் சேமிக்க முடியும் என தெரிவிக்கப்பட்டுள்ளது.