முட்டை விலை தொடர்பில் இன்று முடிவு

முட்டையின் விலை இன்று தீர்மானிக்கப்படும் என தெரிவிக்கப்பட்டுள்ளது.

செயற்குழு மற்றும் சிறிய மற்றும் பெரிய அளவிலான முட்டை உற்பத்தியாளர்களின் பிரதிநிதிகள் இன்று பிற்பகல் கூடி தீர்மானம் எடுக்கவுள்ளதாக தெரிவிக்கப்படுகின்றது.

தற்போதைய விலையில் தொடர்ந்தும் இருப்பதா அல்லது விலையை குறைப்பதா என்பது குறித்து தீர்மானிக்கப்படும் என அகில இலங்கை முட்டை உற்பத்தியாளர்கள் சங்கத்தின் தலைவர் சரத் ரத்நாயக்க தெரிவித்துள்ளார்.

இந்த விலை திருத்தம் செய்யப்பட்டால், திங்கள்கிழமை காலை முதல் அமலுக்கு வரும் என்றார்.

எதிர்வரும் நாட்களில் முட்டையின் தேவையும் குறைவடையும் எனவே நியாயமான விலையில் முட்டைகளை விற்பனை செய்யுமாறு சங்கத்தின் தலைவர் குறிப்பிட்டுள்ளார்.